O Aye my Wife She Dang Me
O aye my wife she dang me,
An’ aft my wife she bang’d me,
If ye gie a woman a’ her will,
Gude faith she’ll soon o’ergang ye.
On peace and rest my mind was bent,
And fool I was I marry’d;
But never honest man’s intent
As cursedly miscarry’d.
O aye my wife she dang me,
An’ aft my wife she bang’d me,
If ye gie a woman a’ her will,
Gude faith she’ll soon o’ergang ye.
Some sairie comfort at the last,
When a’ thir days are done, man,
My pains o’ hell on earth is past,
I’m sure o’ bliss aboon, man.
O aye my wife she dang me,
An’ aft my wife she bang’d me,
If ye gie a woman a’ her will,
Gude faith she’ll soon o’ergang ye.
